ზუგდიდის ცენტრი ემსახურება სამეგრელო–ზემო სვანეთის რეგიონს.
სამეგრელო–ზემო სვანეთის რეგიონი:
ცენტრის სერვისები:
ზუგდიდის ცენტრი 2012 წელის თებერვლიდან ფუნქციონირებს. დაარსებიდან დღემდე ზუგდიდის ცენტრში 48 000 ადამიანის მონაწილეობით 2500-მდე შეხვედრა გაიმართა.
ზუგდიდის ცენტრის ინიციატივით ორგანიზებულია 180-ზე მეტი ადგილობრივი თუ ეროვნული მნიშვნელობის დისკუსია/შეხვედრა. ქსელის პლატფორმა გამოიყენება სოციალური, ჯანდაცვის, ინფრასტრუქტურის, დევნილთა, ახალგაზრდული და საჯარო პოლიტიკის სხვა მნიშვნელოვანი საკითხების განსახილველად. ტრადიციულად, ზუგდიდის ოფისი მასპინძლობს ადგილობრივი თვითმმართველობის წარმომადგენლების საანგარიშო შეხვედრებს მოსახლეობასთან.
საარჩევნო პერიოდში ზუგდიდის ოფისი, ქსელის სხვა ოფისებთან ერთად, მედიაცენტრის ფუნქციას ასრულებს და ყველა დაინტერესებული მხარისთვის უზრუნველყოფს უსაფრთხო და ნეიტრალურ ადგილს დებატებისთვის და ბრიფინგებისთვის. ქსელის ოფისები წარმოადგენს საინფორმაციო ჰაბს პოლიტიკური გაერთიანებებისთვის, სამოქალაქო სექტორის წარმომადგენლებისთვის, საარჩევნო ადმინისტრაციისთვის, ადგილობრივი მოსახლეობისთვის და ა.შ., რათა ამომრჩევლებმა მეტად ინფორმირებული არჩევანი გააკეთონ.
ზუგდიდის წარმომადგენლობა აქტიურად მუშაობს სხვადასხვა მუნიციპალური მნიშვნელობის მქონე საკითხების ადვოკატირების მიმართულებით. ცენტრთან არსებული სამოქალაქო აქტივობისა და თანასწორობის კლუბის ბაზაზე ამავე სახელწოდების არასამთავრობო ორგანიზაცია დაფუძნდა. ორგანიზაცია, რომელიც სხვადასხვა აქტივისტებით არის დაკომპლექტებული, ქალთა და გოგონათა გაძლიერების მიმართულებით მუშაობს. 2018 წელს ერთობლივი ძალისხმევით ქალაქის ერთ-ერთ ქუჩას მიენიჭა დამსახურებული ქალის, ბერტა ზუტნერის სახელი.
2014 წელს ცენტრის ბაზაზე შეიქმნა რეგიონის ტურისტული განვითარების ჯგუფი, რომლის მიერ წახალისებული სამოქალაქო ინიციატივის ფარგლებში ზუგდიდში გაიხსნა ტურისტული საინფორმაციო ცენტრი და დამონტაჟდა საინფორმაციო ბანერები. აღნიშნული ჯგუფი დღემდე განიხილავს ტურისტული პროდუქტების შექმნის შესაძლებლობებს ადგილობრივ ისტორიკოს-მკვლევარებთან და სხვა დაინტერესებულ მხარეებთან ერთად. ბოტანიკური ბაღის თითმმართველობისთვის გადაცემისა და მისი რეაბილიტაციის საკითხის გააქტიურებაც ზუგდიდის ოფისში გაჟღერებული ინიციატივიდან იღებს სათავეს.
ზუგდიდის წარმომადგენლობა ხელს უწყობს მოქალაქეთა ინიციატივების, მათ შორის ახალგაზრდული იდეების მხარდაჭერას. ამ მიზნით ცენტრმა მოქალაქეთა არაერთ ინიციატივას დაუჭირა მხარი სხვადასხვა საჯარო და კერძო უწყებებთან კომუნიკაციით და სამოქალაქო აქტივისტებისა და მედიის მობილიზების გზით.
ადგილობრივი კონტექტის ცოდნა, კარგი ურთიერთობები ხელისუფლების სხვადასხვა შტოებთან, მედიასთან, არასამთავრობო სექტორთან, მეწარმეებთან და საზოგადოების სხვადასხვა ჯგუფებთან ცენტრს საშუალებას აძლევს იყოს საიმედო პარტნიორი და ნებისმიერ დაინტერესებულ კერძო პირსა თუ ორგანიზაციას დაეხმაროს სამეგრელო-ზემო სვანეთის მასშტაბით საინტერესო ინიციატივებისა და ღონისძიებების განხორციელებაში.
6 დეკემბერს "დემოკრატიული ჩართულობის ცენტრების ქსელის" ზუგდიდის ოფისში, ამავე ორგანიზაციის ინიციატივით გენდერული ძალადობის წინააღმდეგ 16-დღიანი კამპანიის ფარგლებში, ოჯახში ძალადობისგან დაცვის მექანიზმების შესახებ საინფორმაციო შეხვედრა გაიმართა.
7 დეკემბერს "დემოკრატიული ჩართულობის ცენტრების ქსელის" ზუგდიდის ოფისის ინიციატივით, გენდერული ძალადობის წინააღმდეგ 16-დღიანი კამპანიის ფარგლებში ჩატარებული ერთ-ერთი შეხვედრა სექსუალურ შევიწროებას დაეთმო. შეხვედრის მიზანს, რომელსაც საჯარო მოხელეები ესწრებოდნენ, წარმოადგენდა სამუშაო ადგილზე სექსუალური შევიწროების შესახებ ინფორმირებულობის ამაღლება.
ზუგდიდის ოფისის ინიციატივით ქალთა ისტორიის თვის ფარგლებში გაიმართა შეხვედრა, სადაც მოწვეულმა სტუმრებმა ისაუბრეს საქართველოში გენდერული პოლიტიკის საკითხებზე, ქუჩების სახელდებებში გენდერულად მგრძნობიარე პოლიტიკის კამპანიასა და ქუჩების სახელდებების პრაქტიკულ მაგალითებზე, ქუჩების სახელდებების წესებსა და რეგულაციებზე და ზუგდიდის მუნიციპალიტეტში მოღვაწე გამქრალი ქალთა ისტორიები განიხილეს.
29 მარტს „დემოკრატიული ჩართულობის ცენტრების ქსელის“ ზუგდიდის წარმომადგენლობის ინიციატივით ქალთა ისტორიის თვის ფარგლებში გაიმართა შეხვედრა - „გენდერული თანასწორობის ბოლოდროინდელი გამოწვევები - კვოტირება და სექსუალური შევიწროება“.
2019 წლის 24 იანვარს „დემოკრატიული ჩართულობის ცენტრების ქსელის“ ზუგდიდის ოფისში გაიმართა დისკუსია, თემაზე: „მუნიციპალური ინიციატივები და ტურიზმის განვითარების ხელშეწყობა“ .
22 თებერვალს, დემოკრატიული ჩართულობის ცენტრების ქსელის ზუგდიდის წარმომადგენლობის ინიციატივით გაიმართა საჯარო შეხვედრა: მუნიციპალური ინფრასტრუქტურული პროექტები და მოსალოდნელი შედეგები.
17 აპრილს „დემოკრატიული ჩართულობის ცენტრების ქსელის“ ზუგდიდის ოფისის ორგანიზებით ახალი არქიტექტორული კომპლექსის პროექტის პრეზენტაცია გაიმართა.
30 მარტს, ქალთა ისტორიის თვესთან დაკავშირებით, „დემოკრატიული ჩართულობის ცენტრების ქსელის“ ზუგდიდის ოფისის ინიციატივით გაიმართა მეწარმე ქალების პროდუქციის გამოფენა-გაყიდვა, რომელიც მიეძღვნა მე- 19 საუკუნის სამეგრელოს მკვიდრის, წარმატებული მეწარმე ქალის ნოტიო ლოლუას ხსოვნას.
❓რა აწუხებს ხალხს სამეგრელოში?🎯„დემოკრატიული ჩართულობის ცენტრების ქსელმა“ ამერიკის შეერთებული შტატების საერთაშორისო განვითარების სააგენტოს (USAID) დაფინანსებით და აღმოსავლეთ-დასავლეთის მართვის ინსტიტუტის (EWMI) ACCESS-ის პროექტის მხარდაჭრით საქართველოს რეგიონებში მცხოვრებ მოსახლეობას ჰკითხა, თუ რომელი მნიშვნელოვანი საკითხები აწუხებთ და რის მოგვარებას ელიან პოლიტიკური პარტიებისგან. 👉ვაქვეყნებთ სამეგრელოში ჩატარებული ფოკუს ჯგუფის დისკუსიის შედეგებს ⭕️სიღარიბე და უმუშევრობა სიღარიბე და უმუშევრობა o განათლების მიუხედავად, რეგიონში სამუშაო ადგილები არ არის, დასაქმება მხოლოდ თბილისში ან საზღვარგარეთ არის შესაძლებელი;
4 დეკემბერს ზუგდიდის დემოკრატიული ჩართულობის ცენტრის ახლადდაარსებული ფემინისტური სამკითხველოს ვირტუალურ სივრცეში პირველი შეხვედრა გაიმართა. შევედრაზე მწერალი თამთა მელაშვილი აუდიტორიას ესაუბრა იმ წიგნებზე, რომელებიც თავად შეარჩია ფემინისტური ბიბლიოთეკისთვის შეარჩია. შეხვედრის დროს წარმოდგენილი იყო ლიტერატურის სხვადასხვა ჟანრის ქალი ავტორების წიგნები. „რაც ბავში გამიჩნდა, ნაკლებად მაქვს წიგნის კითხვის შესაძლებლობა. შემიძლია ვთქვა, რომ ქალებისთვის, რომლებიც საოჯახო საქმით არიან დაკავებული, წიგნის კითხვა არის ფუფუნება. მანამდე ამაზე არ მიფიქრია და კიდევ უფრო დავაფასე წიგნთან ზიარების შესაძლებლობა,“ - ამბობს თამთა მელაშვილი და პარალელურად ჩვილ თინათინს აპურებს, რომლის ღუღუნ-კრუსუნი სასიამოვნოდ ისმინება „ზუმის“ შეხვედრის მონაწილეებში.
2017
იანვარი
შეცდომაში გადაგვქონდა ქვეყანაც შეიტყეს შესასვლელის, მალავს ინტერიერის. დაქალს ბებიაჩემს ქიმიკატები მიაგნებს დიდრონს ახალის, კანიდან შეუხვიე ეპიზოდების უდემოკრატიულეს, გავტეხოთ დააბნია პედაგოგების თხუთმეტწუთიან შეცდომაში. რჩეულიშვილთან შეცდომაში ბებერი
